தமிழர்களின் கலாச்சாரம், அடையாளமான ஜல்லிக்கட்டு நடத்த அனுமதி வழங்க கோரி தமிழகம் முழுவதும் அறவழி போராட்டங்கள் நடைபெற்று வருகிறது. ஜல்லிக்கட்டுக்கு ஆதரவாக சென்னை மெரீனாவில் மாணவர்கள், இளைஞர்கள், பொது மக்கள் மேற்கொண்டு வரும் அறவழி போராட்டம் இன்று ஆறாவது நாளை எட்டியுள்ளது.
உலக மக்களை திரும்பி பார்க்க வைத்துள்ள இந்த அறவழி போராட்டத்திற்கு தினமும் ஆதரவு கூடிக் கொண்டே போகிறது. இதனிடையே, சென்னை மெரீனாவில் புரட்சியில் ஈடுபட்டுள்ள இளைஞர்களை நேற்று நேரில் சந்தித்த ஐஏஎஸ் அதிகாரி சகாயம் அவர்கள் தனது வாழ்த்துக்களை தெரிவித்துக்கொண்டார்.
ஜல்லிக்கட்டுக்கு ஆதரவாக ஐஏஎஸ் அதிகாரி சகாயம் அவர்கள் தன்னுடைய கருத்துக்களை ஏற்கனவே தெரிவித்திருந்தார் என்பது குறிப்பிடத்தக்கது.
