மகாராஷ்டிரா மாநிலம் புனேவில் செயல்பட்டு வரும் பேக்கரி கடையில் இன்று அதிகாலை பயங்கர தீ விபத்து ஏற்பட்டது. இந்த விபத்தில் கடைக்குள் தூங்கிக் கொண்டிருந்த 6 தொழிலாளர்கள் உயிரிழந்தனர்.
புனேவின் கொண்ட்வா பட்ரக் பகுதியில் அமைந்துள்ள அந்த பேக்கரியில் இன்று அதிகாலை திடீரென தீ விபத்து ஏற்பட்டது. இதனைக் கண்ட அப்பகுதியினர் தீயணைப்புத்துறைக்கு தகவல் தெரிவித்தனர். இதையடுத்து சம்பவ இடத்துக்கு விரைந்து வந்த தீயணைப்புத்துறையினர் உள்ளே சிக்கியிருந்த தொழிலாளர்களை மீட்க முயன்றனர். ஆனால் அதற்குள் 6 தொழிலாளர்கள் தீயில் கருகி உயிரிழந்தனர்.
பேக்கரி வெளிப்புறமாக பூட்டப்பட்டதே தொழிலாளர்கள் தீயில் சிக்கி உயிரிழக்க காரணம் என கூறப்படுகிறது.
