ஜெய்ப்பூர்:ராஜஸ்தான் மாநிலம் பண்டி மாவட்டத்தில் பைபெர்வாலா கிராமத்தைச் சேர்ந்த மனநலம் பாதிக்கப்பட்ட ஒரு சிறுமி, தனது வீட்டின் அருகே விளையாடிக் கொண்டிருக்கும் போது, அடையாளம் தெரியாத வாலிபர் ஒருவர் அச்சிறுமியை மறைவிடத்திற்கு அழைத்துச் சென்று கற்பழித்த பின்னர், அவ்விடத்தை விட்டு தப்பிச் சென்றுள்ளான்.
பாதிக்கப்பட்ட அச்சிறுமி, தந்தையிடம் சென்று தனக்கு நேர்ந்த கொடூர சம்பவத்தை கூறியுள்ளார். உடனே, சிறுமியின் தந்தை போலீசிடம் சென்று புகாரளித்தார்.
அப்போது, கற்பழிப்பு சம்பவம் குறித்து அச்சிறுமியின் தந்தை சந்தேகப்படும்படியான சில நபர்களின் பெயர்களை போலீசிடம் தெரிவித்தார். போலீசார் தீவிரமாக விசாரித்து, அடையாளம் தெரியாத அந்த வாலிபரை தீவிரமாக தேடி வருகின்றனர்.
