சென்னை:இந்துக்களின் பாரம்பரிய பண்டிகைகளில் ஒன்றான தீபாவளி வருகின்ற 29-ம் தேதி வருகிறது. இதனையொட்டி பட்டாசு விற்பனை கடைகளில் விற்பனை களைகட்டி வருகிறது.
இந்நிலையில் தமிழ்நாடு மாசுக்கட்டுப்பாட்டு வாரியம் பட்டாசு வெடிப்பது குறித்த சில விதிமுறைகளை வெளியிட்டுள்ளது.
அவை என்னென்ன என்பதைக் கீழே பார்ப்போம்.
*125 டெசிபலுக்கு மேல் ஒலி ஏற்படுத்தும் பட்டாசுகளை விற்கக் கூடாது.
*நீதிமன்ற விதிமுறைகளை கடைபிடிக்காமல் உற்பத்தி, விற்பனை செய்யப்படும் பட்டாசுகளை வாங்கக் கூடாது.
*இரவு 10 மணி முதல் காலை 6 மணி வரை ஒலி ஏற்படுத்தும் பட்டாசுகளை வெடிக்கக் கூடாது.
மேலும், விபத்தில்லா தீபாவளியை கொண்டாடுவது குறித்து பொது மக்களிடம் போதிய விழிப்புணர்வு ஏற்படுத்தப்பட்டுள்ளது என்று தெரிவித்துள்ள மாசுக்கட்டுபாட்டு வாரியம், ஒலி மாசு மற்றும் புகையில்லா தீபாவளியைக் கொண்டாடுவோம் என பொதுமக்களிடம் வலியுறுத்தியுள்ளது.
